Jeksenbi, 15 Jeltoqsan 2019
1363 4 pikir 11 Qırküyek, 2019 sağat 11:38

ŞQO sotı Jäkişevtiñ apellyaciyalıq şağımın qanağattandırmadı

10 qırküyekte Öskemendegi Şığıs Qazaqstan oblıstıq sotı türmede otırğan "Qazatomönerkäsip" kompaniyasınıñ bwrınğı jetekşisi Mwhtar Jäkişevtiñ apellyaciyalıq şağımın qarap, onı qanağattandırmadı.

24 şilde küni Semey qalasınıñ №2 sotı türmede otırğanına 10 jıldan asqan 56 jastağı Mwhtar Jäkişevtiñ merziminen bwrın şarttı bostandıqqa şığaru turalı ötinişin qanağattandırudan bas tartqan. Semey sotı "Jäkişev memleketke keltirgen 99,6 milliard teñge köleminde şığındı ötemedi" degen. Keyin ol apellyaciyalıq şağım bergen.

10 qırküyekte ötken Öskemendegi sotta advokat Nwrlan Beysekeev sud'yadan otırısqa Mwhtar Jäkişevtiñ qatısuın qamtamasız etudi talap etti. Biraq sud'ya Jäkişevti videokonferenciyamen qosuğa "tehnikalıq mümkindik joğın" ayttı. Osıdan keyin advokat sottı keyinge qaldırudı swradı. Biraq sud'ya "arızdı Jäkişevsiz qaray beruge boladı" dep, advokat şağımın qabıldamadı. Osıdan soñ Beysekeev Şığıs Qazaqstan oblıstıq sotınıñ barlıq sud'yasına senimsizdik tanıttı. Sud'ya advokattıñ bwl şağımın da qanağattandırmadı.

10 qırküyekte Öskemende sot apellyaciyalıq şağımdı qarap jatqan sätte Almatıda belsendiler bilikten Jäkişevti bosatudı talap etti. Mwnday şaralar elde bir aydan beri ötip keledi.

Freedom House halıqaralıq qwqıq qorğau wyımı da mälimdeme jasap, Qazaqstan biliginen Jäkişevti dereu bosatudı swradı.

Mwhtar Jäkişev "Venada (Avstriya) "Qazatomönerkäsip" kompaniyasınıñ zañsız ökildigin aşu arqılı payda taptı, astırtın kassa wstadı, küzetşisine qosımşa eñbekaqı tölep kelgen" degen ayıppen 14 jılğa sottalğan. Türmede otırğan kezde üşinşi top mügedektigin alğan Jäkişev özine tağılğan ayıptarmen kelispeydi.

Qazaqstanda birneşe aydan beri bilikten Mwhtar Jäkişevti bosatudı talap etken piketter men narazılıq şaraları ötip keledi. Qazaqstandağı qwqıq qorğauşılar Jäkişevti "sayasi twtqındar" tizimine qosqan.

Abai.kz

4 pikir