Jeksenbi, 22 Qırküyek 2019
46 - söz 2361 3 pikir 12 Qırküyek, 2019 sağat 12:43

"Men Qazaqstannıñ öz mümkin­digin bosqa jiberip alğanın qalamaymın"

Bügin, 12 qırküyek - Qazaqstannıñ körnekti memleket jäne qoğam qayratkeri, diplomat, qazaqtıñ bir tuar wlı, kemeñger azamatı, marqwm Altınbek Särsenbaywlı ağamızdıñ tuğan küni. Ağamızdıñ är jıldardağı swxbattarın oqısaq, osı künge deyin de özektiligin joymağan. Sonıñ biri:

"Men, Qazaqstannıñ öziniñ mümkin­digin paydalana almay, bosqa jiberip alğan memleket bolğanın qalamaymın. Tek men ğana emes, meniñ buınım da. Bizden keyingi buın da"

Bizdiñ jadımızda, sizdiñ tuğan küniñiz ben bwl jalğannan ötken küniñiz jäne  bilikke aytqan jalındı sözderiñiz mäñgi qaldı. Memleketşildigiñiz ben sayasi küreskeriligiñiz el auzında öşpes mwra bop jattalıp, aytqan ottı sözderiñiz özektiligin joymay, küni büginge deyin wşqır boljamdarıñız ayna qatesiz kelip jatır. Siz bardağı bilik - öz halqın ayamağan äli sol bilik. Köziñizdi körgender, äriptes bolğandar, qazirgi künde öz sayasi illyuziyaların qalıptastıru üşin jantalasıp, wltın satıp, jaldanıp, deldal bolıp şapqılap jür...

Mekeniñiz jwmaq, jatqan jeriñiz jaylı, topırağıñız torqa bolsın, ağa!

R.S: Qwrmetti oqırman, sonau 2006 jıldıñ 11 aqpanında kömekşisi Bauırjan Baybosınov pen jürgizuşisi Vasiliy Juravlevpen birge Almatı qalasınıñ sırtında qandı qol qaraqşılar ayausız öltirgen bolatın. Sayasi terrordıñ körinisi bolğan ölimniñ bastı sebepteri men nağız tapsırıs beruşileri qoğamğa äli de belgisiz bolıp, 13 jıldan beri şındıq aşılmay keledi...

Rinat Rafhattıñ facebook paraqşasınan

Abai.kz

3 pikir