Särsenbi, 16 Qazan 2019
1355 1 pikir 13 Qırküyek, 2019 sağat 12:31

Qazalıda twñğış ret jürek qan tamırlarına ota jasaldı

Qızılorda oblısı, Qazalı audanındağı audanaralıq auruhanada twñğış ret «Angiograf» apparatınıñ kömegimen jürek qan tamırlarına ota jasaldı, - dep habarlaydı Abay-aqparat.

Oblıstıq medicina ortalığınıñ rentgen-endovaskulyarlı hirurgiya böliminiñ meñgeruşisi Nwrlan Ismailovtıñ jetekşiligimen 4 nauqasqa kürdeli ötti. Sonday-aq, operaciya üstinde bilikti maman audandıq auruhana därigerleri Kenesarı Baspaev, Ayan Qaziwlı, fel'dşer Qaskırbay Moldabaev, meyirkeş Äliya Süleymenova, rentgen laborant Ğalımjan Jayılqanovtarğa bar bilgenin üyretti.

Auruhanağa alınğan «Angiograf» medicinalıq apparatı memlekettik jekemenşik äriptestik «Medtronik» JŞS arqılı iske qosılğan. Bwl zamanaui qwrılğı elimizde audandıq deñgeyde alğaş ret Qazalıda ornatılıp otır. Osı apparattıñ kömegimen därigerler Aral, Qarmaqşı audandarı men Bayqoñır qalasınıñ twrğındarına medicinalıq kömek körsetedi.

Qazalı audanı äkiminiñ baspasöz hatşısı Jeñisbek Sovetwlı «Därigerler Nwrlan Almat, Kenesarı Baspaev, Ayan Qaziwlı A.N.Sızğanov atındağı wlttıq hirurgiya ğılımi ortalığınan qayta dayarlau kurstarınan ötip, bilimderin jetildirdi. Mwnan soñ olar oblıstıq medicina ortalığınıñ jwmıs ornı esebinen täjiribe almastı» dep atap ötti.

Abai.kz

1 pikir