Särsenbi, 16 Qazan 2019
1375 1 pikir 18 Qırküyek, 2019 sağat 11:27

«Aq jol» partiyası «HHI ğasırdağı Alaştıñ Aq jolı» Jalpıwlttıq Bayqauın jariyalaydı

Bayqaudıñ bastı maqsatı – Alaş qozğalısınıñ sayasi täjiribesin, ekonomikalıq wstanımın jäne ruhani mwrasın qazirgi Qazaqstan qoğamın jañğırtu konteksinde zerdeleu men nasihattau.

Bayqauğa Alaş qozğalısı taqırıbında zertteulermen aynalısıp jürgen 18-35 jas aralığındağı Qazaqstan jäne şetel azamattarı qatısa aladı.

Bayqau jwmıstarı qazaq, orıs jäne ağılşın tilderinde qabıldanadı.

Bayqau kelesi  nominaciyalar boyınşa ötkiziledi:

1. Alaş qayratkerleriniñ memlekettilik turalı ideyalarınıñ qazirgi Qazaqstan qoğamı üşin özektiligi men mañızdılığı:

–          Alaş jäne parlamentarizm;

–          Alaş jäne diplomatiya;

–          Alaş jäne sayasi partiyalar;

–          Alaş jäne memleketti basqaru forması;

–          Alaş jäne demokratiyalıq qwndılıqtar,

–          Alaş jäne qwqıqtıq sana, t.b.

2. Alaş wstanımı jäne bügingi wlttıq ekonomikamen äleumettik salanı jetildiru mäseleleri:

–          Alaş qayratkerleriniñ köşpeli jäne otırıqşı şaruaşılıq turalı pikirtalastarı;

–          Qazaqstannıñ şikizat qorı jäne önerkäsipti damıtu;

–          Alaş jäne eñbek qoğamın qalıptasıru;

–          Alaş jäne narıq;

–          Alaş jäne salıq mäselesi, t.b.

3. Wlı Dala jetistikterinzerdeleudegi Alaştıñ ruhani mwrasınıñ ornı:

–          Alaş qayratkerleriniñ türki äleminiñ genezisi turalı zertteuleri;

–          Alaş qalamgerleri şığarmaşılındağı «Altay», «Türkistan», t.b. kieli wğımdardıñ beynesi;

–          Alaş jäne mädeni kod;

–          Alaş ideyaları jäne wlttıq brend, t.b.

BAQ jurnalisteri üşin arnayı nominaciya

4. Bügingi zaman konteksindegi Alaş:

–          Publicistik maqalalar;

–          Derekti fil'mder;

–          Habarlar;

–          Reportajdar;

–          Jurnalistik zertteuler;

–          Swhbattar;

–          Tok-şou şığarılımı.

Bayqau üş kezeñnen twradı:

1-kezeñde  Bayqauğa kelip tüsken jwmıstarğa qazılar alqası saraptama jasap, irikteuden ötkizedi.

2-kezeñde  üzdik 40 jwmıstıñ avtorları taqırıbı boyınşa bayandama jasap, öz nominaciyasındağı qarsılas ümitkerlermen pikirtalasqa tüsedi.

3-kezeñ Alaşorda ükimetiniñ qwrılğan küni qarsañında, jeltoqsan ayında ötkiziledi. Bayqaudıñ aqtıq sınına qatısuşılar öz jwmıstarın qorğap, qazılar alqasınıñ şeşimimen jeñimpazdar men jüldegerler anıqtaladı.

Bayqau şarttarı:

  1. Jwmıs bir adamnıñ (jeke ümitkerdiñ) atınan  jäne özi körsetken nominaciya boyınşa wsınıladı;
  2. Jwmısta Alaş qayratkerleri közqarastarınıñ bügingi däuirmen sabaqtastığı mindetti türde qamtıluı tiis;
  3. Plagiatqa (basqa avtorlardıñ dayın jwmıstarın köşirip wsınuğa) jol berilmeydi;
  4. Şığarma bastaqırıbınıñ onıñ mazmwnına säykes kelgeni jäne tapqır da jinaqı qoyılğanı maqwldanadı;
  5. Jwmısta silteme jasalğan derekközder däl, naqtı jäne şınayı boluı qajet;
  6. Talapqa say bezendirilmegen jäne merziminen keş joldanğan jwmıstar qabıldanbaydı.
  7. Osığan deyingi jeñimpazdar Bayqauğa qatısa almaydı.

Maqalanı (esseni) räsimdeu talaptarı:

Mätin 14 ölşemdi Times New Roman qarpimen teriledi; jolaralıq interval – 1; abzac şeginisi – 1,25 sm; bettiñ oñ jağınan – 3 sm, üstiñgi jäne astıñğı jağınan –  2 sm, sol jağınan 1,5 sm keñistik qaldırıladı.

Bayqauğa qatısu turalı ötinişte jwmıs avtorınıñ tolıq atı-jöni, tuğan jılı, twrğılıqtı meken-jayı, qızmet (oqu) ornı, ğılımi därejesi (bar bolsa), wyalı baylanıs telefonı men elektrondı poştası tolıq körsetiledi.

Maqalanıñ (esseniñ) kölemi 10 betten aspauı tiis.

Bayqauğa wsınılatın jwmıstar  2019 jıldıñ 1 qazanına deyin qabıldanadı.

Bayqaudıñ jülde qorı – 4 million teñge. Ol kelesi tärtip boyınşa bölinedi:

2-kezeñge joldama alğan ümitkerlerdiñ ärqaysısına (aqtıq sınğa ötetin 12 qatısuşıdan basqasına) 25 mıñ teñgeden qarjılay sıylıq beriledi.

Aqtıq sayıs qorıtındısı boyınşa nominaciyanıñ jeñimpazdarı men jüldegerlerine beriletin qarjılay sıylıq kölemi:

Birinşi orın – 300 000 (üş jüz mıñ) teñge;

Ekinşi orın – 200 000 (eki jüz mıñ) teñge;

Üşinşi orın – 100 000 (jüz mıñ) teñge.

Jeñimpazdar  men jüldegerlerge Jalpıwlttıq «Alaştıñ Aq jolı bayqauınıñ laureatı» tösbelgisi tabıstaladı.

Bayqau jeñimpazdarı (1-orın) men jüldegerleriniñ (2,3-orındar) maqalaları jeke jinaq türinde jarıq köredi.

Bayqaudıñ 2 jäne 3-kezeñderine qatısuşılardıñ issapar jäne jatın orın şığındarı «Aq jol» QDP  tarapınan tölenedi.

Bayqau jwmıstarı «HHİ ğasırdağı Alaştıñ Aq jolı» belgisimen «Aq jol» Qazaqstannıñ demokratiyalıq partiyası Ortalıq apparatınıñ meken-jayına (Nwr-Swltan qalası, Mäñgilik el, 30, «Aq jol» QDP keñsesine) nemese alash_akzhol@mail.ru; akzholpress@mail.ru elektrondıq poştasına joldanadı.

Abai.kz

1 pikir