Qaraghandy qalasynda «Nur Otan» partiyasynyng qoldauymen jәne oblys әkimdigining úiymdastyruymen halyqaralyq aqyndar aitysy ótti. Eki kýnge jalghasqan sóz sayysy qazaqtyng birtuar úly, Alash ardaqtysy Sәken Seyfullinning 125 jyldyghyna arnaldy. Aytysty tamashalaugha arnayy kelgen «Nur Otan» partiyasy Tóraghasynyng Birinshi orynbasary Bauyrjan Baybek elding mýddesin jyrgha qosqan aqyndardyng tapqyrlyghyna rizashylyghyn bildirdi.

Óz sózinde Bauyrjan Baybek qoghamdyq oy men mәdeny tarihymyzda erekshe orny bar kýresker túlghagha arnap ótkizilgen búl aitys «tar jol, tayghaq keshu» zamanda ómir sýrgen ayauly aqynnyng ruhyn asqaqtatyp qana qoymay, birligimiz ben yntymaghymyzdy da nyghayta týskenin aitty.

Sonday-aq ol aitystyng últtyq múramyz ghana emes, qoghamdaghy ózekti mәselelerdi ashyq aityp, olardyng aldyn alu joldaryn úsynatyn útymdy tetik ekenin de tilge tiyek etti.

– Qazaqta «auruyn jasyrghan óledi» degen sóz bar. Sonldyqtan biz kemshilikterimizdi ashyq aityp, olardy sheshu joldaryn qarastyruymyz kerek. Búl rette aitystyng róli erekshe. Aytys – bizding ruhany baylyghymyz. Sol sebepti partiya tól ónerimizdi qolgha alyp, jýieli týrde qoldau kórsetetin bolady, – dedi Bauyrjan Baybek.

Sonymen partiya Tóraghasynyng Birinshi orynbasary partiyanyng sayasy doktrinasynda ruhaniyat, mәdeniyet, últtyq qúndylyq mәselesine ýlken kónil bólingenin jetkizdi.

– Tól mәdeniyetimizdi tórge shygharmasaq jetistikterge jete almaymyz. Sondyqtan bizding partiya aitysty qolgha alyp otyr. Tek biylghy jyldyng sonyna deyin «Nur Otan»-nyng qoldauymen bes alaman aitys ótedi. Onyng alghashqysy Atyrauda ótken Fariza Ongharsynovanyng 80 jyldyghyna arnalghan aitys bolsa, ekinshisi Saryarqa tórindegi býgingi sóz sayysy. Odan bólek, qyrkýiekting sonynda Almaty qalasynda «Otan otbasynan bastalady» atty otbasylyq aitys ótedi. Al qazan aiynda Núr-Súltan qalasynda jәne jyl sonynda Oral qalasynda «Altyn dombyra» respublikalyq aqyndar aitysy úiymdastyrylady, – dedi Bauyrjan Baybek.

Ayta keteyik, Qaraghandydaghy aitystyng nәtiyjesinde Maqsat Aqanov pen Jandarbek Búlghaqov bas jýldege ie boldy. Al Didar Qamiyev, Múhtar Niyazov jәne Bauyrjan Shirmediynúly ekinshi oryn alsa, Aybek Qaliyev, Ásem Erejeqyzy, Býrkitqazy Ádilbek, Bekarys Shoybekov, Núrmat Mansúrovtar ýshinshi orynnan kórindi. Jýldeger atanghan barlyq aqyngha qarjylay syi-siyapat kórsetildi. Olardan bólek, taghy birqatar aityskerge shabyttanu syilyghy berildi.

Abai.kz