Jeksenbi, 15 Jeltoqsan 2019
1626 4 pikir 9 Qazan, 2019 sağat 10:36

AQŞ birqatar qıtay kompaniyalarına sankciya saldı

AQŞ sauda ministrligi Şıñjañ-Wyğır avtonomiyalı audanında jäne Qıtaydıñ basqa da öñirlerinde az wlttarğa qısım körsetken 28 memlekettik mekeme men jekemenşik firmağa sankciya saldı.

Halıqaralıq adam qwqıqtarın qorğauşı wyımdar men kuägerler qıtay biılı birneşe jıldan beri islam dinin wstanatın az wlttarğa: wyğırlarğa, qazaqtarğa, qırğızdarğa jäne basqa da wlt ökilderine qısım jasap otırğanın habarlağan. Olardıñ jürip-twruı şektelgen, arnayı bağdarlamalar men beynebaqılau kameralarınıñ kömegimen añdığan, bwğan qosa "qayta tärbieleu lager'lerine" otırğızğan. Onda adamdardı wzaq uaqıt wstap, kommunistik nasihat jürgizedi, qıtay tilin mäjbürlep oqıtadı.

Sankciya tizimine kirgen mekemeler arasında Şıñjañ-Wyğır avtonomiyalı audanınıñ Qoğamdıq qauipsizdik basqarması, oğan qarastı 19 wyım, 8 tehnologiyalıq firma, älemdegi iri beynebaqılau jüyesi -Hikvision, beynebaqılau jürgizetin Dahua kompaniyası, adamdardıñ türi men dauısın tanu bağdarlamasın jasaytın Megvii men IFlytek firmaları bar.

Sauda ministrliginiñ arnayı tizimine engenderge amerikalıq tehnologiya satuğa tıyım salınadı.

Hikvision mwnday şeşimge narazı ekenin mälimdep, bwl äreket "AQŞ ekonomikasına keri äser etedi" degen.

Bwğan deyin AQŞ biligi "wlttıq qauipsizdikke qauipti" degen sipattamamen qıtaydıñ Huawei kompaniyasına sankciya salğan.

BWW mälimeti boyınşa, qıtaydıñ "qayta tärbieleu lager'lerinde" qazir jartı millionğa juıq wyğır jäne basqa da az wlt ökilderi otır.

Abai.kz

4 pikir