Jeksenbi, 5 Säuir 2020
COVID-19 QAZAQSTANDA. Jwqtırğandar — 531. Jazılğandar — 36. Qaytıs bolğandar — 5
704 6 pikir 14 Qazan, 2019 sağat 10:52

Qazaqstan BAÄ men Qatar şeyhterine duadaq aulauğa rwqsat berdi

Qazaqstan ükimeti Birikken Arab Ämirlikteri men Qatardıñ tört şeyhine 2019 jılğı qazan men qaraşa aylarında el aumağındağı qorıqtarda itelgimen daraq jek duadaq aulauğa resmi rwqsat berdi.

Bwl turalı prem'er-ministr Asqar Mämin qol qoyğan ükimet qaulısı Qazaqstannıñ normativtik qwqıqtıq aktileriniñ aqparattıq-qwqıqtıq jüyesi saytında jariyalandı.

Qaulığa säykes, BAÄ şeyhi Halif Bin Zaed äl-Nahayanğa swñqarmen Türkistan oblısındağı Arıs jäne Qaratau qorığınıñ aumağında 43 duadaq jäne Jambıl, Qızılorda men Türkistan oblıstarındağı Oñtüstik Qazaqstan qorığında 90 duadaq aulauğa rwqsat berilgen.

BAÄ-niñ tağı eki şeyhi – Sururu jäne Seif Bin Mwhammed äl-Nahayannıñ ärqaysı Mañğıstau oblısındağı Kendirli – Qayasan qorığınan 43 duadaq aulauğa rwqsat alğan.

Qatar şeyhi Jasem Bin Hamad Bin Halifa äl-Tanige Jambıl oblısındağı Añdasay qorığı aumağında 27 duadaq jäne Almatı men Jambıl oblıstarındağı Jusandala qorığında 30 duadaq aulauğa rwqsat berilgen.

Ükimet Almatı, Jambıl, Qızılorda, Mañğıstau jäne Türkistan oblıstarı äkimderine şeteldikterge "qajetti järdem körsetu", al keden qızmetine Qazaqstanğa şeyhter sayatşılıq maqsatımen äkeletin jäne äketetin itelgilerdi tiisti tärtip boyınşa räsimdeudi tapsırğan.

Şeyhter Qazaqstan aumağında aulağan är qwsqa el byudjetine 260 aylıq eseptik körsetkiş (656 600 teñge nemese 1700 dollar) köleminde aqşa töleui tiis.

Qazaqstanda duadaq joyıluğa şaq twrğan sirek qws retinde Qızıl kitapqa engizilgenimen ükimet talay jıldan beri şeteldik şeyhterge onı aulauğa rwqsat berip keledi.

Abai.kz

6 pikir