Бейсенбі, 21 Қараша 2019
630 8 пікір 8 Қараша, 2019 сағат 15:42

Миллиардер Фаттох Шодиев Мәскеуде мигранттарға тегін медициналық көмек ұйымдастырды

Фаттох Шодиев халықаралық қоры мен Орыс Православ Шіркеуі Мәскеуде мигранттар мен босқындарға тегін медициналық көмек ұйымдастырды. Көмек мигранттардың алдын ала дайындалған тізім бойынша көрсетіледі.

Святитель Алексий орталық клиникалық ауруханасы әкімшілігінің хабарлауынша, мекеме аптасына он адамға тегін медициналық көмек көрсетеді.

"Біздің терапевт тегін қызмет көрсетуге әзір. Жас ерекшелігіне қарай шектеу жоқ. Адам саны шектеулі: аптасына екі мәрте бес адамнан қабылдай аламыз. Ол үшін телефон арқылы алдын ала тіркелу керек" деді аурухана қызметкері.

Медициналық көмекке зәру мигранттар мен босқындар жұмыс күндері сағат 08:30-дан 16:30 аралығында 7(495) 952-11-41 телефон нөміріне қоңырау шалып, тіркеле алады. Ауруханадағы тексеру сәрсенбі және бейсенбі күндері жүреді.

Ресми мәлімет бойынша, 2018 жылы Ресейге Өзбекстанның 3,5 миллионға жуық азаматы келді. Олардың дені Мәскеу мен Санкт-Петербург қалаларында тұрады.

Abai.kz

8 пікір