Израиль премьері Биньямин Нетаньяху 12 қарашада өткен брифингте Израиль үкіметі мен әскері он күн бұрын Бахи Әбу әл-Атаның көзін жою туралы шешім қабылдағанын айтты.
Билік әл-Атаны "жүздеген террористік шабуылға" қатысы бар деп айыптады. Израиль әскері жариялаған суреттен содырлардың Газадағы үйі жартылай қирағанын көруге болады. Газа Секторының денсаулық сақтау министрлігі шабуылдан үш палестиналық қаза тауып 18 адам жараланғанын хабарлады.
"Палестинаның ислам жиһады" тобы Израильді жоюды көздейді. Израиль, Еуроодақ, АҚШ және басқа да елдер оны террористік ұйым деп таныған. Израиль сыртқы істер министрлігі бұл ұйымды Иран қаржыландырады деп есептейді.
Abai.kz
