Бүгінгі жүйе 90-шы жылдары миллионер болған байларға, олигархтарға тиімді. Әдемі отырған орнын суытып, саяси жүйені реформалау оларға қажет емес. Олар үшін Елбасының кеткенінен кетпегені жақсы. Билікті қолына алса Тоқаевтың да не істейтінін "черт его знает". Бір ақсақалды екінші ақсақалмен ауыстыру үшін сонша тәуекелге барудың қажеті қанша?!

Ең дұрысы Брежнев секілді үйреншікті кісіні қолдай берген әлдеқайда тиімді. Демек, Елбасының кеткені олигархтар мен белді шенеуніктерге тиімсіз болса, алдағы уақытта өздігінен ешқандай өзгеріс болмайды деген сөз.

Құрылғалы жатқан анша-мұнша не қаржысы, не тәжірибесі жоқ партиялар көп нәрсе шешпейді. "Партия құрсақ жеңеміз, көп партия құрсақ вообще жеңеміз" деп ертегіні айтып, оған өзіміз сеніп қалып, тым үлкейтіп көрсетіп жүрген қоғамның өзі негізі.

Бауыржан Серікбайдың facebook парақшасынан

Abai.kz