Жексенбі күні Гонконг тұрғындары "Гонконгты азат ету" деген ұранмен тағы көшеге шықты. Полиция бірнеше акцияға қатысушыларды ұстап, оларға қарсы көзден жас ағызатын газ қолданды.
Өткен жексенбіде аудан билігіне сайлау өтіп, қала тыныш болған. Сайлау нәтижесінде Қытай саясатына қарсы үміткерлер жеңген.
Reuters агенттігінің хабарлауынша, белсенділер үкіметке қарсы мәлімдемелерін жалғастыра бермек. Биыл маусым айынан бері басталған наразылық акциялары барысында халық әуежайға, мектептерге, жеке компаниялар және үкімет үйлеріне баратын жолдарды жапқан.
Abai.kz
