Жапониядағы коронавирус таралған круиз лайнерінде болған төрт қазақстандық Астанаға келді. Бұл туралы ҚР Денсаулық сақтау министрлінің баспасөз қызметі хабарлады.

"Кеше таңертеңгі сағат 2:30-да Нұр Сұлтан қаласына Токио қаласынан 20 қазақстандық азамат келді (оның ішінде 4 адам – «Diamond Princess» жапон лайнерінің жолаушылары). Барлығы медициналық және зертханалық тексеруден өту үшін ауруханаға жеткізілді. Денсаулық жағдайы қанағаттанарлық", делінген хабарламада.

Министрліктің мәліметінше, 2020 жылғы 6 қаңтардан 23 ақпанға дейін елімізге 30 066 адам келді. Бүгінгі күнге дейін ЖРВИ белгілерімен 165 адам көпшіліктен оқшауланып, емдеуге жатқызылды, оның 158 шығарылды, стационарларда медициналық бақылауда 7 адам қалды.

Abai.kz