Еліміздегі күрделі жағдайда еңбек етіп жүрген дәрігерлер үшін қаржылай қолдаудың жаңа пакеті қажет. Бұл туралы Мемлекет басшысы Қасым-Жомарт Тоқаев Twitter желісінде жазды.

Президенттің айтуынша, дәрігерлерді қаржылай қолдау шараларына байланысты қабылданған шешім алдағы дүйсенбіде жарияланады.

"Санитарлық-эпидемиологиялық саладағы күрделі кезеңде еңбек етіп жатқан дәрігерлерді қаржылай қолдаудың жаңа пакеті қажет. Олар соған лайықты. Үкімет есептеулерді жүргізуде. Қабылданған шешім дүйсенбіде жарияланады", - деп жазды Президент Twitter желісіндегі парақшасында.

Айта кетейік, қазір елімізде коронавирус жұқтырғандар саны 251-ге жетті. Олардың 18-і жазылып шыққан.

Abai.kz