"Бас дәрігерді қызметінен алды. Қазір 200 медициналық қызметкер ауырып жатыр. Ол өзінің ұйымдастырудан қателік жібергенін түсініп, арыз жазды", - деп мәлімдеді Алматы денсаулық сақтау басқармасының басшысы Тілеухан Әбілдаев.
Аптаның басында Алматыдағы орталық қалалық клиникалық аурухананың карантинге жабылғаны хабарланған. Карантинде жатқан ондаған дәрігерлер директордың қызметінен алынғанын естіп, Жувашевті қайтаруды талап етіп видео үндеу жариялады. Жувашев 2019 жылдың мамыр айында тағайындалған. Оған дейін басшылықта болған Нұрлан Тұрдалин 2019 жылдың наурыз айында коррупция күдігімен ұсталған.
Ресми мәлімет бойынша, аурухананың 182 қызметкері вирус жұқтырған.
Қазір аурухананың бас дәрігері міндетін атқарушы қызметіне 2012–2017 жылдары аталған аурухананың басшысы болған Марат Абдуллаев тағайындалды.
Abai.kz
