Мемлекет басшысы Қасым-Жомарт Тоқаев Алматы облысындағы блокбекетте қайтыс болған екі полиция қызметкеріне мемлекеттік награда беру туралы Қаулы шығарды.

"Қызметтік борышын үлгілі атқарғаны, құқық тәртібін қамтамасыз етуге белсене қатысқаны үшін Жанғазиев Жарас Сұлтанғалиұлы ІІ дәрежелі «Айбын» орденімен,

Абдықанов Дастан Маратжанұлы  ІІІ дәрежелі «Айбын» орденімен наградталсын",- делінген Қаулыда.

Жарас Жанғазиев – Ішкі істер министрлігі Алматы қаласының Полиция департаменті Патрульдік полиция полкінің қызмет инспекторы.

Дастан Абдықанов (марқұм) – Ішкі істер министрлігі Алматы қаласының Полиция департаменті Патрульдік полиция полкінің полицейі.

Айта кетейік, 25-мамыр күні таңертең BMW маркалы көліктің жүргізушісі Алматы облысында орналасқан блокбекетке соғылып екі полиция қызметкері қайтыс болды.

Полицейлердің мәліметінше, мас жүргізуші қамауға алынған. Осы жағдай бойынша сотқа дейінгі тергеу басталды.

Abai.kz