Серік Сәпиев декреттік демалысқа кетті
Мәдениет және спорт министрлігіндегі Спорт және дене шынықтыру комитетінің басшылық қызметін атқарған Серік Сәпиев 12 тамыздан 23 желтоқсанға дейін бала тәрбиесіне байланысты ресми демалыста болады.
Бұл туралы аталған ведомствоның баспасөз қызметі хабарлады.
- Серік Сәпиев ресми түрде 12 тамыздан 23 желтоқсанға дейін еңбек демалысына шықты. Комитет төрағасының міндетін оның орынбасары Серік Жарасбаев атқарып жатыр, - деді баспасөз қызметіндегілер.
Еске салайық, Серік Сәпиев бұл қызметке 2019 жылы қаңтар айында тағайындалған.
Abai.kz
