Қазақстанда тұрғындардың банктерге мерзімі өткен қарызы 1 трлн теңгеден асады. Бұл туралы LS жазды. 

Ұлттық банктің мәліметінше, тұтастай алғанда, 2021 жылдың 1 сәуіріндегі жағдай бойынша несиелердің кешіктірілуі (бір жылдан астам) 1,01 трлн теңгені құрады. 2020 жылдың дәл осы күнінде - 1,07 трлн теңге (-5,6%) болған. Оның ішінде жеке тұлғаларға (жеке кәсіпкерлерді қосқанда) 315,6 млрд.теңге (-15,5%), заңды тұлғаларға - 702,3 млрд.теңге (+ 0,1%) тиесілі.

Аймақтар тұрғысынан алғанда, 1 трлн-нан астам теңгенің ішінде қарыздың ең көп мөлшері Алматыда тіркелді - шамамен 453 миллиард теңге (-17,4%) және Нұр-Сұлтанда - 238,6 миллиард теңге (+ 36,8%). Одан кейін Шығыс Қазақстан облысы - 86,2 миллиард теңге, Атырау облысы - 34,8 миллиард, Қарағанды ​​облысы - 32 миллиард теңге және Шымкент - 30,3 миллиард теңге.

Сонымен қатар, қарызы аз өңір Жамбыл облысы - 11,8 миллиард теңге, Қызылорда облысы - 10 миллиард теңгеден астам, Солтүстік Қазақстан облысы - 4,3 миллиард теңге және Түркістан облысына- 2,5 миллиард теңге тиесілі.

Abai.kz