Жексенбі, 4 Желтоқсан 2022
Саңлақ 9879 2 пікір 27 Маусым, 2021 сағат 10:47

Қос қазақ спортшысы Лас-Вегаста атой салды

28 жастағы қазақ боксшысы Жәнібек Әлімханұлы бұрынғы әлем чемпионы, 30 жастағы америкалық Роб Брантты жеңді.

Жекпе-жек Лас-Вегаста өткен. 72,6 келіге дейінгі салмақ дәрежесіндегі бәсеке 10 раундқа жоспарланған. Алайда Жәнібек Әлімханұлы қарсыласын алтыншы раундта нокдаунға түсірді. Ал сегізінші раундтан кейін Роб Бранттың бұрышы жекпе-жекті жалғастырудан бас тартқан.

Бұл Жәнібек Әлімханұлының он жекпе-жектегі оныншы және мерзімінен бұрынғы алтыншы жеңісі. Айта кетейік, Әлімханұлы өнер көрсететін орта салмақта IBF және IBO нұсқасы бойынша әлем чемпионы - қазақстандық Геннадий Головкин.

Бүгін UFC ұйымында өнер көрсететін тағы бір қазақ спортшысы Шавкат Рахманов (13-0) «UFC Vegas 30» турнирінде өнер көрсетіп, бразилиялық Мишель Празересті (26-3) жеңді.

Бұл шайқас та Лас-Вегас қаласында өткен. Шавкат Рахманов бірінші раундта қарсыласын бақылап, бір тейкдаун жасап, раундты өз пайдасына аяқтаған.

Ал екінші раундта Шавкат өте белсенді бастап, қарсыласын қылғындыру әдісімен жеңген.  Осылайша ол UFC ұйымындағы екінші кездесуінде жеңіске жетті.

Abai.kz

2 пікір

Үздік материалдар

Құйылсын көшің

Қандастар қазаққа, Қазақстанға не берді?

Райыс Әріпжанұлы 2213
Алашорда

Түркілік тек және түркі-моғол бірлігі

Жәди Шәкенұлы 1045
Қауіп еткеннен айтамын

Газдың геосаяси «геморройы»

Әміржан Қосан 1230