Сәрсенбі, 19 Қаңтар 2022
Саңлақ 1687 3 пікір 26 Қараша, 2021 сағат 16:00

Қытайда Олимпиада өткізуге бойкот жариялауы мүмкін

Аустралия Бейжіңдегі қысқы Олимпиада ойындарына өкілдерін жіберуден бас тарту мүмкіндігін қарастырып жатыр. Бұл туралы  Tengrinews.kz хабарлайды. 

Биліктегі Ұлттық либералдық коалиция мен Лейбористік партия саясаткерлері федерал үкіметті келесі жылы өтетін Олимпиадаға бойкот жариялауға шақырды.

"Бейжіңдегі қысқы Олимпиада ойындарында Аустралияны таныстыру туралы шешім әлі қабылданған жоқ", - деді спорт министрінің баспасөз хатшысы Ричард Колбек.

Олимпиадаға дипломатиялық бойкот кезінде болжам бойынша, оған арнайы өкілдер бармайды, бірақ спортшылар қатыса алады. Аустралия парламенті дипломатиялық бойкотқа қосылмас бұрын АҚШ президенті Джо Байден әкімшілігінің шешімін күтіп отыр.

Бұған дейін АҚШ Бейжің Олимпиадасына дипломатиялық бойкот жариялау мүмкіндігін қарастырып жатқанын президент Джо Байден растаған болатын.

Abai.kz

3 пікір