Жапония Украинадағы жағдайға байланысты Ресейге қарсы жаңа санкциялар енгізуде.

Бұл туралы Сыртқы істер министрлігінің мәлімдемесінде айтылған. Осылайша, Жапония үкіметі тағы 25 ресейлік жеке тұлғаның активтерін бұғаттап, 81 ресейлік ұйымға экспортқа тыйым салады.

Агенттіктің хабарлауынша санкциялар тізіміне: "Миасс" автомобиль зауыты, "Вымпель" кеме жасау зауыты, "Амур" кеме жасау зауыты, Baikal Electronics электроника өндіруші кешені, "Стрела" өндірістік кешені, "Звезда" машина жасау зауыты және т.б енгізілді.

Сонымен қатар, премьер-министр Фумио Кисида Жапонияның Ресейді ең қолайлы сауда мәртебесінен айыру және цифрлық активтердің көмегімен қаржылық санкцияларды айналып өтуге жол бермеу үшін қадамдар жасайтынын айтты.

Abai.kz