Қазақстандағы ауылшаруашылық техникасының әбден тозығы жеткен. Қолданыстағы комбайндар мен тракторлардың пайдалану мерзімі өтіп кеткеніне 10 жылдан асты. Бұл туралы сенат депутаты Мұхтар Жұмағазиев отандық ауылшаруашылық техника өндірісін дамыту тақырыбына арналған дөңгелек үстел барысында мәлімдеді.

Ескірген автопарк, ел аумағында техника өндіретін кәсіпорындардың тапшылығы, сондай-ақ валюта тұрақсыздығына байланысты шетелден әкелінетін техниканың 1-1, 5 есеге  қымбаттауы ауылшаруалығы саласындағы күрделі мәселелерді туғызды.

"2022 жылдың 1 қаңтарындағы жағдай бойынша трактор паркінің 80 пайызы және комбайн паркінің 76 пайызының пайдалану мерзімі өтіп кеткеніне 10 жыл болды. Бұл өз кезегінде ауыл шаруашылығы жұмыстарын жүргізуге кедергі келтіріп, кешіктіреді", — дейді Жұмағазиев.

Abai.kz