Шешенстан басшысы Рамзан Қадыров Ресей Қарулы Күштері Украинаның барлық қалаларына шабуыл бастайды деп уәде берді. Бұл туралы ол Telegram-арнасында жарияланған бейнеүндеуінде айтты.

Оның айтуынша, Қарулы күштер қалаларды, ауылдарды және басқа да елді мекендерді «фашистер» мен «бандералардан» азат ету үшін оларға шабуыл жасауды жоспарлап отыр. «Міндеттер айқын және біз қазірдің өзінде нақты жұмысты бастап жатырмыз, тек Мариупольде ғана емес, сонымен қатар барлық басқа елді мекендерде, қалалар мен ауылдарда шабуыл толқыны болады. Бірақ, ең алдымен, біз Луганск пен Донецкіні толығымен азат етеміз, мұндай тапсырманы бас қолбасшы, (Ресей президенті Владимир Путин) қойды», - деді Қадыров.

Киевке қатысты: «Егер Киев біздің жоғарғы қолбасшы өзіне қойған барлық міндеттемелерін орындамаса, соғыс тоқтамайды деп сендіре аламын. Бандера жасақтары мен шайтандарды құрту үшін Киевке шабуыл бастаймыз... Біз оларды тіпті тірідей де, моральдық тұрғыдан да өлтіреміз », - деді Қадыров.

Abai.kz