Қаржы министрлігі "2022-2024 жылдарға арналған республикалық бюджет туралы" заңға өзгерістер мен толықтырулар енгізу туралы заң жобасын дайындады.

Заң жобасы бойынша Қазақстанда 2022 жылдың 1 сәуірінен бастап:

мемлекеттік базалық зейнетақы төлемінің ең төменгі мөлшерін 19 450 теңгеден 20 191 теңгеге;

ең төменгі зейнетақы мөлшерін 46 302 теңгеден 48 032 теңгеге;

айлық есептік көрсеткішті (АЕК) 3 063 теңгеден 3 180 теңгеге;

базалық әлеуметтік төлемдердің мөлшерін есептеу үшін ең төменгі күнкөріс деңгейін 36 018 теңгеден 37 389 теңгеге арттыру көзделген.

Құжат 21 сәуірге дейін талқыланады.

Abai.kz