Киевте тәуелсіз Украинаның тұңғыш президенті Леонид Кравчукпен қоштасу рәсімі өтіп жатыр. Леонид Макарович 10 мамыр күні кешке Мюнхенде қайтыс болған еді.  

Ол жүрек-қан тамыр жүйесінің ұзаққа созылған ауруынан 89 жасқа қараған шағында көз жұмды. Ал, бір апта бұрын Беловеж келісіміне қол қойған тағы бір саяси қайраткер Станислав Шушкевич өмірден өткен болатын.

Айта кетейік, Леонид Макарович Кравчук 1991 жылы 8 желтоқсанда Украина атынан Ресей Федерациясының Президенті Борис Ельцинмен және Беларусь Республикасы Жоғарғы Кеңесінің төрағасы Станислав Шушкевичпен бірге КСРО-ның ыдырауы туралы Беловеж келісіміне қол қойды.

Бұл тарихи құжат Одақ аясындағы 15 мемлекеттің Тәуелсіздік алуына жол ашты.

Abai.kz