Қазақстанның Қайрат Сатыбалдыға бір тиын төлегісі жоқ.

"Қазақтелеком" АҚ акционерлер жиналысында 2021 жылдың дивидендтерін төлеу бойынша мәселе қаралып, ол түсініксіз нотада аяқталды.

Әу баста "Қазақтелеком" АҚ Директорлар кеңесі әр акцияға 3590 теңге дивиденд төлеуді ұсынған. Акционерлерге 20 миллиард теңге төленуі тиіс еді. Бірақ, 51% акцияға иелік ететін "Самұрық-Қазына" қоры осы ұсынысқа қарсы дауыс берді.

Оның себебі, 2021 жылы Қазақтелекомның 24,46% акциясы Қайрат Сатыбалдының "Skyline Investment" компаниясына тиесілі болды. Мемлекет ол акцияларды тек жақында ғана өз пайдасына жаздырып алды. Акция ұстаушылар реестріне сай, Сатыбалды дивидендтегі өз үлесіне таласып, 20 миллиард теңгенің 9 миллиардын алу мүмкіндігіне ие болар еді.

Мемлекеттің әзірге дивиденд төлемей, аз уақытта компанияның дивидендтік саясаты бойынша кұжатын өзгертіп алуға асыққанын осылай түсіндіруге болады.

Abai.kz