Дүниежүзілік алтын кеңесінің мәліметі бойынша, елімізде шығарылатын алтын көлемі 373,4 тоннаға жетті.

Қазақстан алтын қоры бойынша 14-ші орынға ие. Португалия (382,6 тонна) мен Өзбекстанның (338,7 тонна) ортасында орналасқан (ХВҚ мен ЕОБ- есептемегенде). Ресейде бағалы металл көлемі шамамен 2,3 мың тонна болса, Қытайда – 1,9 мың тоннаға жеткен.

Қымбат металдың қорынан көш бастап тұрған АҚШ-та 8,1 мың тонна алтын бар. Германияда 3,3 мың тонна, Италияда 2,4 мың тонна алтын қоры бар екен.

Сонымен бірге, 13 маусымда Comex биржасында алтын троя унциясына 1867 доллардан сатылды. 10 маусымда LBMA-да қымбат метал 1830 доллардан сатылды. Бізде Ұлттық Банктің сайтында 1 грамм алтынның құны 25,8 мың теңге тұратыны жазылған.

Abai.kz