Қазақстан Республикасы Парламенті Сенатына Абай, Жетісу және Ұлытау облыстарынан келген алты жаңа депутат сайланды. Бұл туралы Орталық сайлау комиссиясы хабарлады.

Қазақстан Республикасы Парламенті Сенатының депутаттары болып:

Абай облысынан – Байахметов Бақытжан Кәкенқаджыұлы, Арғынбекова Айнұр Серікпайқызы;  Жетісу облысынан – Толамисов Амангелді Ғабдылқарымұлы,  Сарыбаев Ғалиасқар Төлендіұлы;  Ұлытау облысынан – Медебаев Советбек Тұрсынұлы, Серік Жаманқұлұлы Шайдаров сайланды.

Үш өңір бойынша 346 мәслихат депутатының 311-і дауыс беруге қатысқан.

"Барлық өңірлер кворумға сай болды. Алты мандатқа барлығы 12 кандидат қатысты (әр облыстан төрт адамнан). Дауыс беру, сондай - ақ басқа да барлық сайлау рәсімдері сайлау заңнамасының нормаларына сәйкес өтті", - деп жазды ОСК.

Abai.kz