Армения Әзірбайжанмен шекарадағы жағдайдың ушығуына байланысты ұжымдық қауіпсіздік туралы шарт ұйымынан (ҰҚШҰ) көмек сұрамақ. Бұл туралы Армения премьер-министрі Никол Пашинян айтты.

"Достық, ынтымақтастық және өзара көмек туралы шарттың ережелерін қолдана отырып, ресми түрде Ресей Федерациясына жүгіну туралы шешім қабылданды. Сондай - ақ, Арменияның егемен аумағына жасалған агрессияға байланысты ҰҚШҰ мен БҰҰ Қауіпсіздік Кеңесіне үндеу жарияланады",-деді Армения премьер-министрі Никол Пашинян.

Бұған дейін армян билігі Әзірбайжан әскерлері Армения аумағына оқ жаудырды деп мәлімдеген болатын.

Айта кетейік, Қазақстан ҰҚШҰ құрамына кіреді. Ұйымның мақсаты – шартқа қатысушы елдердің біріне шабуыл жасалған жағдайда әскери көмекті көрсету.

Abai.kz