Электр энергиясы нарығына инвестиция көптеп тарту үшін қолданыстағы тарифті 1 МВт үшін айына 590 мың теңгеден 885 мың теңгеге дейін ұлғайту қажет. Бұл ұсынысты Үкімет отырысында ҚР Энергетика министрі Болат Ақшолақов білдірді.

«Энергия кәсіпорындары жұмысының тұрақтылығын қамтамасыз ету үшін инфляция деңгейіне индекстеуді көздейтін болжамды тарифтік саясат талап етіледі. Бүгінгі таңда электр қуаты нарығы шеңберінде салаға салынған инвестицияны қайтаруға жұмсалатын қаражат көлеміне лимит белгіленді. Қазір лимит 32 млрд теңгеге тең және 100 млрд теңгеге ұлғайтуды қажет етеді. Сондай-ақ, инвестиция ағынын қамтамасыз ету үшін электр қуаты нарығындағы қолданыстағы тарифті айына 1 МВт үшін қазіргі 590 мың теңгеден 885 мың теңгеге дейін ұлғайту қажет», - деді Болат Ақшолақов.

Abai.kz