Мұндай бастама Еуроодақ елдері денсаулық сақтау министрлерінің 3 қаңтарда өтетін кездесуі қарсаңында көтерілді. ЕО денсаулық сақтау мәселелері жөніндегі комиссиясының басшысы Стелла Кириакидес Қытайдың коронавирус індетін "қатаң тәртіппен тоқтату" саясатынан бас тартуына "еуропа жауабын" дайындағысы келеді.
ЕО-ға мүше елдердің вакцина қоры толық. Пекин әзірге мұндай ұсынысқа жауап берген жоқ, деп жазды басылым.
Қытай індетке қарсы күресте өзі дайындаған Sinovac және Sinopharm вакциналарын қолданды, шетелде әзірленген РНК-препараттарынан бас тартты. Дүниежүзілік денсаулық сақтау ұйымы 2022 жылғы 31 желтоқсанда Қытайда вакцина егу көрсеткіші жеткіліксіз деп мәлімдеген.
Қытайда коронавирус індетінің өршуіне байланысты әлем елдерінің бірқатары Қытайдан келгендерді тексеру енгізді.
2022 жылғы желтоқсанда Қытай халқының локдаунға қарсы көтерілісінен соң билік шектеу шараларының бәрінен бас тартты. Содан кейін індет қайта өршіді. Бейресми мәліметке қарағанда, Қытайда күнде миллиондаған адам коронавирус жұқтырады. Елдегі ауруханалар науқасқа толған, крематорийлер де мәйітті өртеп үлгермей жатыр.
Abai.kz
