Журналист Михаил Козачков тергеу изоляторынан үй қамаққа ауыстырылды. Бұл туралы журналист Вадим Борейко өзінің Telegram-арнасында хабарлады.

«Жаңа ғана құқық қорғаушы Жеміс Тұрмағамбетовамен сөйлестім. Ол журналист Михаил Козачковтың бұлтартпау шарасы өзгертілгенін айтты: ол СИ-18 тергеу изоляторынан үй қамағына алынды»,- деп жазды Борейко.

Естеріңізге сала кетейік, 2022 жылғы 19 желтоқсанда Козачков рейдерлік басып алуға қатысты деген күдікке ілініп, ұсталды.

Кейін журналист тергеуді қадағалауды сұрап Президентке үндеулер жасаған. 30 қаңтарда сот Козачковты қамауға алу мерзімін 18 наурызға дейін ұзартты.

Abai.kz