Бұл жөнінде РФ президентінің ресми сайтында хабарланған.

Онда Ресей азаматтығын алу жөніндегі өтінішті орыс армиясына қызмет ету жөніндегі келіссөзге барған шетел азаматтары да бере алады. Ол үшін шетел азаматтары "арнайы әскери операция" (Ресей саясаткерлері Украинаға басып кіруін осылай айтады) жүріп жатқан аймақта бір жыл қызмет етуі тиіс.

Қазір Ресейде жұмыс істеп, сол елдің төлқұжатын алған Орталық Азия азаматтарын да Украинаға соғысқа баруға үгіттеп жатыр деген ақпарат жиі кездеседі. Таяуда Ресей думасының депутаты да бұл мәселені көтеріп, оларды армияға жіберу керек деген.

Ресей түрмесіне түскен мигранттарды да "Вагнер" жеке әскери компаниясының Украинаға соғысқа үгіттеп алып жатқаны жайлы БАҚ-та жиі жазылып келеді.

Abai.kz