Абай облысындағы Бородулиха ауданда орман өртінің орын алғанын сайтымыз жазған болатын.

Осы өрт орын алған сәтте көпұлтты аудандағы халықтар достығы құр сөз еместігіне көз жеткізе алдық. Еріктілер мен жеке кәсіпкерлер және шаруа қожалық басшылары бір аптадай 24 сағат бойы өрт сөндірушілерді ыстық тамақпен және өрт сөндіруге қажет сумен қамтамасыз ете алды.

Өзге аймақтардан келген өрт сөндірушілерді сөзге тартқанымызда: «Біз Көкшедегі, Керекудегі басқа өңірлердегі өрт кезінде халықтың бұндай жұмылғанын көргеніміз жоқ», - дейді.

Иә, Бородулихадағы «Семей Орманына» қарайын Ауыл орман шаруашылығындағы өрт 22 мамырда басталып, 28 мамырда толықтай сөндірілді. Аудан әкімі А.Нұрғожин азаматтық танытып, жергілікті тұрғындарды от тажалды ауыздықтауға тарта білді. Аудандағы 1200-ге тарта түрлі салада істейтін қызметкерлер, жергілікті еріктілер мен әскерилер  өзге өңірден келген Астана, Қарағанды, Өскемен, Керекулік өрт сөндірушілер және 400 құрлық әскері үш ауысымда ерен ерлік көрсетіп, тілсіз жауды ауыздықтай алды.

Бұдан бөлек ШҚО мен Абай облыстағысындағы барша орман шаруашылығы мекемелеріде өрттің алдын алуға жеті күн бойы атсалысты. Қураған шөптің қоздауынан аяқ астынан шыққан өрт 3500 гектар орманды жалмады.

Әбіл-Серік Әліакбар

Abai.kz