Қырғызстанның Нарын облысының тұрғыны Украинадағы соғысқа қатысып келгені анықталып, қамауға алынғаны мәлім болды. Бұл жөнінде Қырғызстанның Ұлттық қауіпсіздік комитеті хабарлады.

Ол 1 тамызда ұсталып, ісі сотқа өткен.

Ақпаратқа қарағанда, ол Ресейде жұмыс істеп жүріп, былтыр 22 ақпанда қылмыс жасағаны үшін түрмеге қамалған, сол жерден "Вагнер" жекеменшік компаниясы арқылы Украинаға барғанын айтқан. Ол Қырғызстан заңына сәйкес, бөтен елдің соғысына қатысқаны үшін он жылға дейін бас бостандығынан айырылуы мүмкін.

Бұл оқиға туралы Азаттық 14 тамызда жазған.

Украинадағы соғысқа қатысқан Нарын тұрғыны туған жеріне оралғаннан кейін, үш аптадан соң ұсталған.

Бұл Қырғызстанда Ресей жағында Украинадағы соғысқа қатысқаны үшін қамалған екінші оқиға.

Abai.kz