Алматы сотының мәліметінше, жәбірленушілердің өтініші бойынша А.Клебановқа қатысты сот отырысы жабық режимде өтеді.

«20 қыркүйек күні Алматы қаласының кәмелетке толмағандардың істері жөніндегі мамандандырылған ауданаралық сотында А.Клебановқа медициналық сипаттағы мәжбүрлеу шараларын қолдану туралы тергеушінің қаулысын қарау бойынша кезекті сот отырысы өтті. Бірқатар жәбірленушіден сот отырыстарын жабық режимде өткізу туралы өтініш түсті»,- деп хабарлады Алматы сотының баспасөз қызметі.

Сот аталған тұлғалардың және олардың отбасы мүшелерінің жеке өміріне қатысты мәліметтерді жария етуге жол бермеу қажеттілігін ескере отырып, Қылмыстық іс жүргізу кодексінің 29-бабына сәйкес, аталған өтінішхатты қанағаттандырды.

Одан әрі сот отырысы жабық түрде өтеді.

Бұған дейін Ішкі істер министрлігі мен Ұлттық қауіпсіздік комитетінің ведомствоаралық жедел-тергеу тобы редакциялар мен қазақстандық БАҚ өкілдеріне шабуыл жасау фактілерін тексеріп жатқаны туралыхабарланған болатын.

Abai.kz