International Partnership for Human Rights (IPHR – Адам құқықтары бойынша халықаралық қызметтестік) ұйымы Франция президенті Эммануэл Макронды Қазақстан мен Өзбекстанға сапары барысында адам құқықтары мәселесін көтеруге шақырды.

IPHR'дың Макронға жолдаған ашық хатында Қазақстанда қанды Қаңтар оқиғалары кезінде заң бұзғандар жазасыз қалғаны, былтыр Қарақалпақстандағы наразылық акцияларынан кейін жергілікті белсенділердің, журналистердің және блогерлердің қуғын көргені жазылған. Ұйым мұның бәрі қазақ және өзбек билігінің "саяси реформалар туралы ресми риторикасына қайшы келетіні" туралы айтқан.

"IPHR сонымен бірге Макронды қазақ және өзбек лидерлеріне Франция мен Еуропа одағы адам құқықтары бойынша халықаралық талаптардың сақталуына мән беретінін және ынтымақтастық даму үшін аталған талаптардың орындалуын күтетінін ескертуге шақырады", - деп жазылған ұйым мәлімдемесінде.

Айта кетсек, бүгін Макрон Қазақстанға ресми сапармен келді, ертең Өзбекстанға барады.

Фото: ашық дереккөзден

Abai.kz