Бұл туралы Әшкере телеграм арнасы Axios басылымына сілтеме жасап хабарлады.

Жаңа ұсынысқа тірі қалған барлық кепілге алынған адамды босату және қаза тапқандардың денелерін бірнеше кезеңмен қайтару кіреді. Бірінші кезеңде әйелдерді, 60 жастан асқан қарияларды және ауыр жағдайда кепілге алынған адамдарды босату ұсынылған.

Келесі кезеңдер әскери қызметші әйелдерді, әскерде қызмет етпейтін 60 жасқа дейінгі еркектерді, әскери қызметші еркектерді босатуды және кепілге алынған адамдардың денелерін қайтаруды білдіреді.

Израиль мен ХАМАС сонымен бірге Израильдің әр кепіліне айырбастау үшін қанша палестиналық тұтқын босатылатыны туралы алдын-ала келісуге тиіс.

Келісім Израиль әскерін Газа секторының негізгі елді мекендерінен шығарып, палестиналықтарды Газа қаласына және сектордың солтүстік бөлігіне қайтаруды көздейді.

фото: BBC

Abai.kz