Сәрсенбі, 21 Ақпан 2024
623 0 пікір 9 Ақпан, 2024 сағат 16:17

Израиль Газада тұтқындалған 71 палестиндікті босатты

Сурет: Әлеуметтік желіден

Израиль билігі Газа секторында жүргізген құрлық операциясы кезінде ұсталған 71 палестиндікті босатты. Арасында 19 әйел бар.

Бұл жөнінде WAFA агенттігі Газа билігіне сілтеме жасап хабарлады. Олар "Керем-Шалом" шекара бекеті арқылы босатылған.

Осының алдында Reuters агенттігі Газа секторындағы соғысты тоқтатудың ХАМАС ұсынған жоспарын жариялаған. Ол құжат үш кезеңнен тұрады: өзара тұтқындар алмасу, Газа секторын қалпына келтіру және Израиль әскерін толық шығару.

Израиль премьер-министрі Биньямин Нетаньяху ХАМАС ұсынған жоспардан бас тартқан. Ол Газада жихадшы топты жоймайынша, соғыс жүре беретінін мәлімдеген.

Бұл күндері Таяу Шығысқа АҚШ мемлекеттік хатшысы Энтони Блинкен барды. Ол Израиль мен Палестина арасында бейбіт келісім болады деген үмітін білдірді.

8 ақпанда ХАМАС өкілдері келіссөзге қатысу үшін Каирге барды.

Abai.kz

0 пікір

Үздік материалдар

Әдебиет

Қауырсын

Әлімжан Әшімұлы 1511
Әліпби

Латын жайы

Бижомарт Қапалбек 1554