Петропавл қаласында төтенше жағдай жарияланбақ
Петропавл қаласы әкімінің шешімімен Петропавл қаласында төтенше жағдай жариялау жоспарланып отыр. Бұл туралы Abai.kz хабарлайды.
Құжат бекітілген жағдайда төтенше жағдай режимі 30 наурыздан бастап туындаған құқықтық қатынастарға қолданылады.
"Петропавл қаласы әкімінің "Петропавл қаласында жергілікті ауқымдағы техногендік сипаттағы төтенше жағдай жариялау туралы" шешімі Абай көшесіндегі кәріз коллекторының құлау салдарын, сондай-ақ жеке секторды су басу салдарын жою мақсатында қабылданады", – делінген шешімнің түсіндірме жазбасында.
Abai.kz
