Көптен ел көзіне көрінбей кеткен Астананың экс-әкімі Алтай Көлгінов Қазақстанның Эстониядағы елшісі қызметіне кірісіп кетті. Бұл туралы ҚР Сыртқы істер министрлігі хабарлады. 

"Қазақстанның Эстониядағы елшісі Алтай Көлгінов Эстония президенті Алар Кариске сенім грамотасын тапсырды. Әңгімелесуден кейін Эстония президенті Қазақстан елшісін қызметке кірісуімен құттықтап, сәттілік тіледі", - делінген ресми ақпаратта.

Көлгінов осыған дейін 2022-2023 жылдары Премьер-министрдің орынбасары болып қызмет еткен. Ал оған дейін 2019-2022 жылдары Астана қаласын басқарған. 2016-2019 жылдары Батыс Қазақстан облысында басшы болған.

Abai.kz