Арқаның алғашқы аязына тап болсақ та, қасиетті Маңғыстау жерінен ат терлетіп келген делегация құрамының көңіл-күйі көтеріңкі. Иә, Астананың төрінде республикамыздың әр өңірінен ауыл шаруашылығы жәрмеңкелерін өткізу дәстүрге айналғанымен, мұнда олардың өзіндік бір іскерлік те мәдени байланыстарының тізбегі жатса керек. Астана жұртшылығы арқа-жарқа. Таңмен таласа тұрған олардың көпшілігі қала әкімшілігінің алдындағы алаңға ағылған.

Маңғыстаумен бірге мұнда Ақтөбе облысының да ауыл шаруашылығы өнімдері тұтынушыларға көптеп ұсынылған екен. Оның басым бөлігі ет пен балықты құрайды. Көкөніс, қартоп пен пияз, сүт өнімдері, жұмыртқа дейсің бе, рет-ретімен тізбек құрған дүңгіршектерден лезде өтіп кетіп жатыр. Əрине, арзан бағамен ұсынылған сапалы тауарды кім алмасын? Астана тұрғындары да əккіленіп алған. Арбалап та, дорбалап та тасып жатыр.

Маңғыстау облысы Елорда жəрмеңкесіне жалпы 60 тонна ауыл шаруашылығы өнімдерін əкелген.

Таратып айтсақ, 30 тонна көкөніс жəне 9 тонна сүт пен қышқыл сүт өнімдері бар, 1 тонна қазақ ұлттық тағамдары – құрт, балқаймақ, ірімшік, 10 тонна ет пен 10 тонна балық.

Қарт Каспийдің жағалауынан келген соң ба, астаналықтардың ынтызары балыққа ауған. Тіпті кілəсі 4000 теңге дегеніне қарамастан, бекіре тұқымдас балық та жаппай өтіп жатыр.

Арқаның алғашқы аязына тап болсақ та, қасиетті Маңғыстау жерінен ат терлетіп келген делегация құрамының көңіл-күйі көтеріңкі. Иә, Астананың төрінде республикамыздың әр өңірінен ауыл шаруашылығы жәрмеңкелерін өткізу дәстүрге айналғанымен, мұнда олардың өзіндік бір іскерлік те мәдени байланыстарының тізбегі жатса керек. Астана жұртшылығы арқа-жарқа. Таңмен таласа тұрған олардың көпшілігі қала әкімшілігінің алдындағы алаңға ағылған.

Маңғыстаумен бірге мұнда Ақтөбе облысының да ауыл шаруашылығы өнімдері тұтынушыларға көптеп ұсынылған екен. Оның басым бөлігі ет пен балықты құрайды. Көкөніс, қартоп пен пияз, сүт өнімдері, жұмыртқа дейсің бе, рет-ретімен тізбек құрған дүңгіршектерден лезде өтіп кетіп жатыр. Əрине, арзан бағамен ұсынылған сапалы тауарды кім алмасын? Астана тұрғындары да əккіленіп алған. Арбалап та, дорбалап та тасып жатыр.

Маңғыстау облысы Елорда жəрмеңкесіне жалпы 60 тонна ауыл шаруашылығы өнімдерін əкелген.

Таратып айтсақ, 30 тонна көкөніс жəне 9 тонна сүт пен қышқыл сүт өнімдері бар, 1 тонна қазақ ұлттық тағамдары – құрт, балқаймақ, ірімшік, 10 тонна ет пен 10 тонна балық.

Қарт Каспийдің жағалауынан келген соң ба, астаналықтардың ынтызары балыққа ауған. Тіпті кілəсі 4000 теңге дегеніне қарамастан, бекіре тұқымдас балық та жаппай өтіп жатыр.

Елмен етене араласа жүріп, жəрмеңкенің жалпы ахуалымен танысқан облысымыздың əкімі Алик Айдарбаев пен Ақтөбе облысының əкімі Архимед Мухамбетовтің де, олармен бірге еріп жүрген Астана қалалық мəслихатының хатшысы Сансызбай Есіловтың де көңілдері тоқ.

Ал, сол күні үйінің күйін келтірген астаналықтар мен қала қонақтары алыстан келген өнер тарландарының жəрмеңкеге əр берген концертін де, басқа да театрландырылған қойылымдарын тамашалап жатты.