Құлсары тұрғындары Жылыой ауданы әкімдігінің алдына жиналды, деп хабарлайды Abai.kz.

Атырау облысының ТЖ жөніндегі жедел штабының хабарлауыша, халықтың жиналуына себепші болған су тасқынынан зардап шеккендерге өтемақы төлеу мәселесі.

– Жылыой ауданының әкімі Жұмабек Қаражанов жиналғандар алдында қаражатты өтеу, жаңа тұрғын үй беру тетігі жөнінде түсініктеме береді, – делінген хабарламада.

Жылыой ауданында су басқан 2 920 үйдің 2 906-нан су кеткен. Бүгінгі таңда 2 667 тұрғын үй-жай техникалық бағытта тексеріліп, 2 622 тұрғын үйге бағалау жүргізілген. Барлығы 3 мыңға жуық өтініш түскен.

Су тасқынынан зардап шеккен 3904 тұрғынға 100 пайыз мөлшерде біржолғы төлем берілгені жазылады.

– Сонымен қатар, мүлкіне залал келтірілген 289 кәсіпкермен залалды өтеу бойынша консультациялар өткізілді. Бүгін түстен кейін тұрғындарды техникалық тексеру және бағалау қорытындыларымен кезең-кезеңмен және үймен таныстыру басталады, - деп сендіреді жедел штаб.

Сурет: sadakmedia.kz

Abai.kz