Құрбан айттың алғашқы күнінде 20 мыңнан астам мал сойылған
Құрбан айттың алғашқы күні 20 мыңнан астам мал құрбандыққа шалынды, деп хабарлайды Abai.kz.
ҚМДБ мәліметінше, Құрбан айттың алғашқы күні республика көлемінде жалпы саны 20 236 мал шалынса, 1 788 тапсырыс qurban2024.kz сайты арқылы берілген.
Оның ішінде: қой – 17 327, ешкі – 1 597, ірі қара – 1 307, түйе – 5.
Ел бойынша 62 561 отбасыға, 136 мекемеге құрбандық еті таратылды.
Еске сала кетейік, онлайн форматта құрбан шалуға qurban2024.kz сайты арқылы тапсырыс беру бүгін және ертеңге дейін жалғасады.
Abai.kz
