Денсаулық сақтау министрлігінің баспасөз қызметінің хабарлауынша"СК-Фармация" ЖШС басшысы Ерхат Есқалиев қызметінен кетті. Бұл туралы Abai.kz хабарлайды.

"СК-Фармация" ЖШС басқарма төрағасы Ерхат Серікұлы Есқалиевтің өкілеті мерзімінен бұрын тоқтатылды, ол Денсаулық сақтау министрінің бұйрығына сәйкес 18 маусымда қызметінен босатылды", – делінген хабарламада.

2016 жылдан бері тәуелсіз директор ретінде компанияның бақылау кеңесі құрамында болған Ерхат Есқалиев "СК-Фармация" ЖШС басқарма басшысы қызметіне 2020 жылғы 12 шілдеде тағайындалған.

"СК-Фармация" - дәрі-дәрмекті сатып алып, медициналық заттармен қамтамасыз ететін Қазақстандағы бірыңғай дистрибьютор.

Abai.kz