Дағыстандағы православие шіркеуі мен синагогаға лаңкестік әрекеттер жасалынып, соның салдарынан дін және құқық қорғау органдары қызметкерлері қаза болды. Аталмыш жағдайға байланысты мемлекет басшысы Қасым-Жомарт Тоқаев Ресей президенті Владимир Путинге көңіл айтты.

Сондай-ақ президент құқық қорғау жүйесі арқылы жедел-іздестіру шараларын жүргізуде көмек көрсетуге дайын екенін жеткізді.

"Қазақстан президенті құқық қорғау жүйесі арқылы жедел-іздестіру шараларын жүргізуде көмек көрсетуге дайын екенін жеткізді", – деп жазды Ақорданың ресми сайты.

Айта кетейік, 24, 25 және 26 маусым күндері Дағыстанда аза тұту күні деп жарияланды.

Abai.kz