Денсаулық сақтау министрі 2024 жылғы 29 маусымдағы бұйрықпен денсаулық сақтау ұйымдарында әкімшілік, қылмыстық құқық бұзушылық жасаған адамдарға психологиялық көмек көрсету қағидаларын бекітті. Бұл туралы Abai.kz хабарлайды.

Зорлық-зомбылыққа қатысты әкімшілік немесе қылмыстық құқық бұзушылық жасаған тұлғаларға емханаларда психологиялық қолдау көрсетіледі.

Аталмыш бұйрық мінез-құлықты өзгертіп, басқа да оңды өзгерістерді реттеуге бағытталған. Әйелін соққыға жығатын ерлермен жұмысты арнайы дайындалған психологтар жүргізеді, оның ішінде сенімді қарым-қатынас орнату, мінез-құлық аспектілерін түзету және араласу нәтижелерін бағалау кезеңдері қамтылған.

Бұйрық 2024 жылғы 15 шілдеден бастап қолданысқа енгізіледі.

Сурет: pixabay.com

Abai.kz