Қазақстан боксшылары кімдермен жұдырықтасады?
![](https://abai.kz/content/uploads/2024/07/6e0b4735-f927-4a2c-a02f-45b6ef3044b3.jpeg)
Кеше бокстан Париж Олимпиадасының жеребе тарту рәсімі өтті. Сонымен, Қазақстан боксшылары кімдермен жұдырықтасады? Деректерді ҚР Спорт және туризм министрлігі ұсынды. Қараңыз:
Ерлер:
51 келі. 17 боксшы 1/8 финал
Сәкен Бибосынов – Самет Гумуш (2024 жылғы Еуропа чемпионы). Ширек финалда Рио Олимпиадасының чемпионы Хасанбай Дусматовпен (Өзбекстан) жолығуы мүмкін.
57 келі. 17 боксшы 1/8 финал
Махмұд Сабырхан – Хосе Гуелес Бротонс (2023 жылғы Еуропа ойындарының күміс жүлдегері). Ширек финалда әлем чемпионы Абдумалик Халоковпен (Өзбекстан) жұдырықтасуы мүмкін.
63,5 келі. 22 қатысушы 1/16 финал
Мұхамедсабыр Базарбайұлы – Ойер Ибарче. 1/8 финалда бұл жұптың жеңімпазы Тайпей өкілі Лай Чу Енмен кездеседі.
71 келі. 20 қатысушы 1/16 финал
Асланбек Шымбергенов – Зейад Ишаиш (2022 жылғы Азия чемпионатының күміс жүлдегері). 1/8 финалда бұл жұптың жеңімпазы әлем чемпионы Севон Оказавамен (Жапония) жолығады.
80 келі. 18 қатысушы 1/8 финал
Нұрбек Оралбай – Каллум Петерс
92 келі. 16 қатысушы 1/8 финал
Айбек Оралбай – Олейтен Олаор. Ширек финалда 2 дүркін Олимпиада чемпионы Хулио Ла Круз (Куба) немесе әлем чемпионы Альфонсо Домингезбен (Әзербайжан) жолығуы мүмкін.
+92 келі. 16 қатысушы. 1/8 финал
Қамшыбек Қоңқабаев – Аюб Джадфа (2023 жылғы әлем чемпионатының қола жүлдегері).
Әйелдер:
50 келі. 22 боксшы 1/16 финал
Назым Қызайбай – Джиордана Соррентино (2022 жылғы Еуропа чемпионатының күміс жүлдегері). 1/8 финалда бұл жұптың жеңімпазы 2023 жылғы Пан Американ ойындарының чемпионы Каролин Де Алмейдамен жұдырық түйістіреді.
57 келі. 22 боксшы 1/8 финал
Карина Ибрагимова – Лозада Мотта Ашлейан (Пуэрто-Рико).
75 келі. 16 боксшы 1/8 финал
Валентина Хальзова – Азейна Билон (2015 жылғы әлем чемпионы).
Abai.kz