Түркия билігі Instagram желісін бұғаттады
Түркияның Ақпараттық технологиялар және байланыс басқармасы Instagram әлеуметтік желісіне кіруге тыйым салды, деп хабарлайды Qaz365.kz тілшісі Takvim басылымына сілтеме жасап.
«Шектеудің себебі – ХАМАС тобының саяси жетекшісі Исмаил Хания өлімінен кейінгі наразылық толқыны. Instagram Саяси бюро басшысы туралы материалдарды желіден жүйелі түрде өшіріп отырды», - делінген ақпаратта.
Түркияның байланыс басқармасының басшысы Фахреттин Алтун шілде айының соңында Instagram әрекеттерін айыптап, хабарлама жариялады. Ол мұны «мазмұнды цензуралау әрекеті» деп атады.
Abai.kz
