5-7 шілде күндері елордада «Театрлы Еуразия» халықаралық фестивалі өтті, деп хабарлайды Астана әкімдігінің ресми сайты.

«Театрлы Еуразия» халықаралық фестивалін өткізу қала күнін мерекелеуге орайластырылды. Фестивальде Қазақстан, Ресей, Польша, Эстония көше театрлары өнер көрсетті. «Аспект», «СоЛу», «Қара алаң», «Мимикрия», Vokrug, «Король жирафы», Мұрат Мұтырғанов театры өз шеберліктерін көрсетті.

«Елорда күніне орай 100-ден астам іс-шара, оның ішінде спорттық және мәдени іс-шаралар өткізілді. Ең маңызды оқиғалардың бірі – көше театрларының фестивалі, ол алғаш рет елордада ғана емес, Азияда да өтті. Біз бұл шараны ортақ күш-жігермен өткізгенімізге қуаныштымын. Көрермендердің пікірлеріне сүйенсек, фестиваль сәтті өтті. Елорданың әрбір тұрғыны мен қонағы ең жарқын әсерге ие болады деп ойлаймын», - деп бөлісті Астана қаласы Ьәдениет басқармасы басшысының орынбасары Нұран Қамзин.

Театр фестивалі қаланың үш алаңында ашық аспан астында өтті. Іс-шараға 113 мәдени қызметкер-режиссерлер, актерлер, әкімшілер және басқалар қатысты.

«Фестиваль аясында біз үш бағыт бойынша жұмыс жүргіздік. Бізде үлкен маңызды іс-шара форум болды, онда біз Қазақстанда қызықты білім беру бағдарламаларын жасаймыз деп шештік. Сондай-ақ жас әртістерге арналған шеберлік сабақтарының екі зертханасы жұмыс істеді. Әрине, Азиядағы алғашқы көше театрларының фестивалі өтті. Біз Астанаға 10 театр әкелдік. Әкімдіктен орталық саябаққа дейін шеру өтті. Астанада жаңа жанрдың басталуы болды деп айтуға болады. Бұл бүкіл әлем үшін маңызды оқиға», - деді жобаның директоры және авторы Эльмира Щербакова

Эстониядан келген «Giraffe Royal» театрының көркемдік жетекшісі Станислав Варкки астаналықтардың ашықтығы мен ынта-жігерін атап өтті. Ол Қазақстан жастарын тек оң қырынан сипаттап, кәсібилік пен креативтілік туралы айтты.

«Қала бізге осындай жарқын мереке сыйлағаны үшін рақмет айтқым келеді. Фестивальге мен балалармен бірге бардым, олар керемет шоуға, қарым-қатынасқа, шығармашылыққа қуанышты болды. Олар тек актерлерді бақылап қана қоймай, пассивті көрермендер де болған жоқ. Балалар қатысып, өздері үшін жаңа мүмкіндіктер ашты. Көше театрлары – бұл мәдени жүйедегі жетістік. Олар қалада тамыр жаяды деп үміттенемін», - деді елорда тұрғыны Мария Романова.

Ұйымдастырушылардың айтуынша, «Театрлы Еуразия» фестивалін келесі жылы да өткізу жоспарланып отыр.

Abai.kz