Алматыда Тәуелсіздік күнін мерекелеу аясында "Тәуелсіздік" монументіне гүл шоқтарын қою рәсімі өтті, деп хабарлады қала әкімдігі.

Салтанатты рәсімге қала әкімі Ерболат Досаев, мәслихат депутаттары, Қоғамдық кеңес, Қазақстан халқы Ассамблеясы мүшелері, 1986 жылғы желтоқсан оқиғаларына қатысушылар, этномәдени бірлестіктер мен жастар ұйымдары өкілдері қатысты.

Олар Қазақстанның тәуелсіздігі жолында өз өмірін қиып, қаза тапқандарды бір минут үнсіздікпен еске алды.

Рәсім Алматы өңірлік гарнизоны әскери-үрлемелі оркестрінің Қазақстан Республикасының мемлекеттік әнұранын орындауымен аяқталды.

Abai.kz